INAPRUBAHAN ng Department of Budget and Management (DBM) ang paglikha ng may 5,000 non-teaching positions sa mga eskuwelahan na pinangangasiwaan ng Department of Education (DepEd) sa buong bansa.
.Ayon sa DBM, ang paglikha ng bagong non-teaching positions para sa Fiscal Year (FY) 2024 ay naglalayong tulungan ang mga guro na mapagaan ang bigat ng pagtupad sa administrative tasks dahil sa kawalan ng non-teaching personnel sa mga eskuwelahan.
“Our educators already have their plates full. By approving the creation of 5,000 non-teaching positions, we aim to relieve teachers of administrative tasks and allow them to focus on quality instruction,” wika ni Budget Secretary Amenah Pangandaman.
“This move will significantly benefit our educators and enhance the country’s education system.”
Sinabi ni Pangandaman na ang hakbang ay nakaayon sa commitment ni Presidente Ferdinand R. Marcos Jr. na pagtibayin ang kapakanan kapwa ng mga guro at mag-aaral.
Ang 5,000 non-teaching positions sa DepEd ay Administrative Officer (AO) II positions na may Salary Grade (SG) 11 para sa FY 2024. Ide-deploy sila sa School Division Offices at schools sa buong bansa.
Ang funding requirements para sa mga posisyon ay kukunin sa Miscellaneous Personnel Benefits Fund sa FY 2024 General Appropriations Act, habang ang Retirement and Life Insurance Premium ay sa Automatic Appropriations.
Related posts:
P33.75-B INILAAN NG DBM PARA SA EDUKASYON
(Aprub sa DBM) P5.83-B PARA SA KONSTRUKSIYON NG 1,834 KLASRUM
94% NG NAT’L BUDGET NAIPALABAS NA
P100-B UTANG NG DBM SA CONTRACTORS AT SUPPLIERS – SOLON
INFRA SPENDING PAPALO SA 6.2% NG GDP
P3.622-T BUDGET NAIPALABAS NA
PAY HIKE SA GOV’T WORKERS PIPIRMAHAN NA NI DUTERTE
(Programa inilunsad ng DepEd) PARENTS BABANTAYAN NG MGA ANAK