(Aprub sa DBM) P303.5-M PARA SA KONSTRUKSIYON NG 120 CLASSROOMS

APRUBADO na ng Department of Budget and Management (DBM) ang P303.5 mi­lyon para pantustos sa pagpapagawa ng 120 classrooms sa buong bansa.

Ang nasabing halaga ay hiniling ng Depart­ment of Public Works and Highways (DPWH) at Department of Educa­tion (DepEd) para punan ang kakulangan ng si­lid-aralan sa 21 lugar.

Binigyang-diin ni DBM Secretary Amenah Pangandaman na ang pagpopondo ay upang mapalakas ang education sector na magsusulong sa social and human de­velopment.

“Education is a chance for every Filipi­no to improve his or her quality of life. Education empowers us to achieve genuine prosperity as well. But it is also a shared responsibility to work together for the country to achieve com­plete economic healing and recovery. Let us continue to invest in ed­ucation,” anang Budget Secretary.

Sinabi ni Panganda­man na ang paglalabas ng pondo ay bilang tu­gon sa mga direktiba ni Pangulong Ferdinand R. Marcos Jr. na paganda­hin ang education facil­ities na magreresulta ng maayos na learning en­vironment sa mga mag-aaral kasama ang remote at hard-to-reach areas.

“Bilin po ng Pangu­lo na dapat bigyan natin ng disente at secured na lugar ang ating mga estudyante at guro para maayos silang makapag-aral at makapagturo. Dapat equal po ‘yan at walang pinipiling lugar. Nasa Maynila ka man o sa malayong probin­sya, dapat maayos ang education facilities para sa ating mga guro at es­tudyante,” ani Pangan­daman.

Ayon sa DBM, in­aprubahan ni Pangan­daman ang kahilingan ng DPWH at DepEd makaraang makumple­to ang mga requirement para sa pagpapalabas ng pondo. Ang require­ments ay kinabibilangan ng listahan ng mga esku­welahan na inaprubahan ng DepEd Undersecre­taries for School Infra­structure and Facilities, and Finance; Budget Ex­ecution Document No. 1-Financial Plan; Phys­ical Plan; at Monthly Disbursement Program. Ang kabuuang appro­priation para sa Special Provisions sa FY 2023 DepEd budget ng P15.7 billion ay ipinatutupad ng DPWH.

EVELYN QUIROZ