(Aprub sa DOT) TEMPORARY COVID HOSPITALS SA TOURISM SITES

SUPORTADO ng Department of Tourism (DOT) ang pagtatayo ng temporary hospitals at iba pang medical facilities sa tourism sites sa gitna ng patuloy na paglobo ng mga kaso ng COVID-19.

“The DOT is gratified and honored to be able to use its parks and public spaces in support of the national pandemic response,” wika ni Tourism Secretary Bernadette Romulo-Puyat sa groundbreaking ng isang mega field hospital sa Burnham Green sa Rizal Park.

Ang temporary hospital ay kayang mag-accommodate ng hindi bababa sa 500 pasyente na may mild hanggang moderate COVID-19 symptoms.

Nagpasalamat naman si Romulo-Puyat kay Manila Mayor Isko Moreno at pinagbigyan nito ang kahilingan ng ahensiya na ipagamit ang mga pasilidad sa lahat ng mga Filipino.

Inaprubahan din ng National Parks Development Committee, isang attached agency sa  DOT, ang panukalang gamitin ang Quirino Grandstand bilang  site ng temporary drive-thru vaccination center.

Hanggang 450 katao kada araw  ang kayang serbisyuhan nito para sa vaccination program ng bansa.

“The City of Manila and the NPDC have taken the first step and we hope to see this replicated by other local government units in other parts of the country,” ayon pa kay Puyat.

Related posts:

MAY COVID KA NA NGA, PAHIHIRAPAN KA PA NG P1K/HOUR SA HOSPITAL TENT? CASH ALLOWANCE SA PUBLIC HOSPITAL EMPLOYEES ANG ONE HOSPITAL COMMAND CENTER TOURISM, AGRI LALAGO FACTORY, LABOR SECTOR MATATAG SA KABILA NG KRISIS SA COVID-2019 55 COVID-RELATED PRODUCT MAKERS INTERESADONG MAG-INVEST SA PINAS HOSPITAL BED CAPACITY ITAAS SA 70% (Utos ng DOH parasa COVID patients) VIRTUAL BANKING ACT SUPORTADO NG BSP