CAVITE- INARESTO ang isang lalaking wanted sa kasong estafa at ang kasamahan nito matapos mahulihan ng baril sa Brgy. Salinas sa Bacoor nitong Sabado.
Kinilala ang suspek na si “Dennis”, isang architect, habang ang kasama nito ay kinilalang si “Christian”, isang negosyante.
Sinilbihan si “Dennis” ng warrant of arrest ng mga tauhan ng District Special Operation Unit – Quezon City Police District (DSOU-QCPD), Criminal Investigation and Detection Group (CIDG-QCPD) at Bacoor City Police sa isang gas station sa bahagi ng Aguinaldo Highway.
Ayon sa QCPD, nakita ng mga pulis na nagsilbi ng warrant ang dalawang baril sa loob ng sasakyan ni “Christian”.
Nagpakita naman ito ng License to Own and Possess Firearms (LTOPF) at Permit to Carry Firearms Outside Residence (PTCFOR) subalit, hindi tugma ang serial number ng mga baril sa kanyang mga dokumento.
Narekober ng mga pulis ang dalawang 9mm caliber na baril at mahaharap ang dalawa sa reklamong paglabag sa Comprehensive Firearms and Ammunition Regulation Act.
SID SAMANIEGO
Related posts:
PUGOT NA ULO NATAGPUAN NA
BRGY TANOD NAKULITAN SA KAPITBAHAY BINARIL
NAMITAS NG KAIMITO NAKURYENTE, PATAY
PEKENG ABOGADO TIKLO SA PAGPAPALAYA SA 3 INMATES
2 SIKYO NIRATRAT: 1 TODAS, 1 KRITIKAL
CAVITE BINABAHA NG ISDANG TAMBAN NGAYONG TAG-INIT
CHOP-CHOP NA KATAWAN NATAGPUAN SA CALAX
PUTOL NA ULO, BINTI NAKITA SA CALAX