AUSSIE OPEN: SERENA SUMAMPA SA Q’FINALS

GINAPI ni Serena Williams si  big-hitting Aryna Sabalenka sa isang three-set thriller upang umabante sa Australian Open quarterfinals at mapanatiling buhay ang kanyang kampanya para sa record-equalling 24th Grand Slam title.

Nalusutan ng American ang matikas na pakikihamok ng seventh seed upang maitakas ang 6-4, 2-6, 6-4 panalo pagkatapos ng dalawang oras at siyam na minuto.

Makakasagupa niya sa susunod na round ang mananalo kina world number two Simona Halep at French Open champion Iga Swiatek.

“I am happy to get through, I knew it was going to be tough,” wika ni Williams, na humataw ng 30 winners.

“I lost the second set but the games were close. I just tried to stay in there.”

Hindi pa nakakaharap ni Williams, 39, ang Belarusian, na nakakolekta ng maraming tropeo magmula sa French Open noong nakaraang taon ngunit hindi pa umaabot sa quarterfinals ng isang Slam.