CAGAYAN – NAKUHA sa dalawang suspek, isang Austrian at ang ka-live-in partner niyang Pinay, ang isang brick ng marijuana matapos na magsagawa ng drug buy bust operation ang pinagsanib na puwersa ng Tuguegarao-PNP at Philippine Drug Enforcement Agency (PDEA) sa Barangay Ugac Norte, Tuguegarao City.
Kinilala ni P/Major Ruben Verbo, deputy chief of police ng PNP- Tuguegarao, ang dayuhan na sina David Sigl at alyas Lanie.
Nakatanggap ng tawag ang pulisya mula sa isang concerned citizen na umano’y mayroong gumagamit ng illegal drugs sa kanilang lugar at nang makumpirma ang tawag ay agad na nagkasa ang awtoridad ng operasyon sa tinutuluyang apartment ng dayuhan at nakuha sa pag-iingat ng dalawa ang isang brick ng marijuana.
Mariin namang itinanggi ng babae na live-in partner niya ang dayuhan at sinabing nanliligaw pa lang sa kanya ang lalaki at nagkataon lang umanong naroon siya sa apartment ng magsagawa ng operasyon ang awtoridad.
Ayon pa sa babae, na walang katotohanan na may nakuha sa kanilang marijuana. Isasailalim sa inquest proceeding ang dalawa para sa pag-sasampa ng kaukulang kaso. IRENE GONZALES
Related posts:
ONLINE SELLER NG MARIJUANA TIMBOG
P400K MARIJUANA NAKUMPISKA SA LOCAL TOURIST
MAGKASINTAHAN SWAK SA SELDA SA V-DAY
STUDENT NA MAY DALANG DAMO INARESTO
KARGADOR AT MENOR NAKUMPISKAHAN NG MARIJUANA OIL
3 RIDERS NASITA SA HELMET TULUYANG KULONG SA DAMO
P2-M MARIJUANA PLANTATION SINIRA NG MGA PULIS
10 KILO NG MARIJUANA KUMPISKADO, 2 TULAK NADALE SA ENGKUWENTRO
Comments are closed.