ANG pagkaantala sa shipping at paghahatid ng imported agricultural products, kabilang ang tone-toneladang bigas, ay sanhi ng ilang bagyo at weather disturbances, ayon sa Department of Agriculture (DA)
Ginawa ni Agriculture Secretary Francisco Tiu Laurel Jr. ang pahayag makaraang sabihin ng Bureau of Customs (BOC) na hindi sanhi ng pagkakaantala sa delivery ng rice shipments sa bansa ang port congestion
“The delay was caused by force majeure,” ani Tiu Laurel, tinukoy ang datos na nirebyu ng DA.
Naunang sinsbi ng Philippine Ports Authority (PPA) na may mahigit 888 shipping vans na naglalaman ng tinatayang 20 million kilograms ng bigas sa container yards ng Manila ports.
Noong weekend ay may 300 container vans na ang nailabas.
Samantala, sinabi ni Tiu na sinisilip ng DA ang mga kompanya na umano’y sangkot sa container vans na nakatengga sa Manila ports.
Ayon kay Laurel, natuklasan ng DA na ang mga kompanya ay hindi na nag-e-exist.
”We checked that some of the companies, mukhang hindi na rin existing iyong companies eh. But, of course, we’re still going to pursue the investigation and we will get to the bottom of this,” ani Laurel.
Aniya, inaalam ng DA sa legal department nito kung ang mga kompanya ay maaari pang panagutin hinggil sa bagay na ito kahit nagsara na ang mga ito, tulad ng unang napaulat.
Related posts:
(Planong buuin ng bagong DA chief) INTEL GROUP VS KORUPSIYON
AGRI SECRETARY TIU LUSOT NA SA CA
(Inihahanda na ng DA) AYUDA SA BATAAN OIL SPILL-HIT FISHERFOLK
(Tiniyak ng DA) MAS MATAAS NA BAYAD-PINSALA SA ASF-AFFECTED HOG RAISERS
PH AANGKAT NG 16,000 MT NG YELLOW ONIONS
(Bibilhin ng DA) 150K DOSES PA NG ASF VACCINES
(Hiling ng DA) FOREIGN FUNDING SA AGRI SECTOR INVESTMENTS
(Sa kabila ng banta ng ASF, holiday season — DA) WALANG PRICE HIKE SA BABOY