TINIYAK ng Malakanyang na tatanggap ang mga jeepney driver ng second tranche ng cash aid sa ilalim ng social amelioration program (SAP) ng pamahalaan.
Ayon kay Presidential Spokesman Harry Roque, ayaw nilang mangako subalit kapag may natira sa pondo ay posible pang ma-katanggap ng karagdagang ayuda ang mga jeepney driver.
Aniya, plano rin ng Department of Transportation (DOTr) na kunin ang mga jeepney driver para sa delivery service upang may mapagkakitaan.
Nauna na ring sinabi ni Roque na ang mga walang pinagkakakitaang jeepney driver ay maaaring kunin bilang contact tracers sa kampanya ng gobyerno kontra COVID-19.
Ayon pa kay Roque, pinabibilisan na ang jeepney modernization upang magkaroon ulit ng trabaho ang mga jeepney driver.
“Pag-aaralan kung may matitira para magkaroon sila ng additional tranche, wala pong pangako ‘yan pero titingnan talaga natin kung mayroong matitira at mapupunta ‘yan sa mga walanghanapbuhay.
At pangatlo, ‘yung jeepney modernization ay siguro pabibilisan para ‘yung mga mawawalan ng trabaho sa traditional jeepneys ay pupuwedeng mag-shift sa mga modern jeepney,” ani Roque. DWIZ 882
Related posts:
(First tranche ng SAP) CASH AID SA 5M PANG PINOY
SAP MATATANGGAP PA RIN NG MGA LUGAR NA NASA ECQ SA ILALIM NG BAYANIHAN LAW 2
THIRD TRANCHE NG SAP ITUTULAK SA KAMARA
P55-B SAP 2 CASH AID NAIPAMAHAGI NA SA 8.4 PAMILYA
P62-B SAP 2 CASH AID NAIPAMAHAGI NA SA 9.6M BENEPISYARYO
TRANSPO PARA SA HEALTH WORKERS HINILING
GO UMAPELA SA DOF, BIR NA PALAWIGIN ANG TAX DEADLINE SA GITNA NG COVID-19 CRISIS
LOTTO, KENO IBA PANG LARO NG PCSO SUSPENDIDO
Comments are closed.