NGAYONG pumasok na ang ‘ber’ months ay inaasahan na naman ang malalang lagay ng trapiko lalo na sa EDSA.
Ito ang babala ng Metropolitan Manila Development Authority (MMDA) sa mga motorista kaugnay ng mga gagawing pagkukumpuni sa ilang mga tulay sa Metro Manila.
Ayon kay MMDA-Special Operations Task Force Commander Bong Nebrija, inaasahan ang pagbigat pang lalo ng trapiko sa mga kaliwa’t kanang Christmas sale na sasabayan pa ng pagsasara ng lumang Sta. Mesa bridge sa Maynila at Estrella Pantaleon Bridge sa Makati City ngayong buwan.
Batay sa abiso ng contractor ng Sta. Mesa bridge, gigibain ang naturang tulay para bigyang daan ang mga barge na magdadala ng mga materyales para sa konstruksiyon ng skyway project.
Matapos nito ay muling itatayong muli ang Sta. Mesa Bridge na inaasahang tatagal ng hanggang pitong buwan.
Samantala, ang Estrella Pantaleon Bridge naman ay nakatakda ring kumpunihin ngayong buwan kung saan nasa 100,000 na mga motorista ang tinatayang direktang maaapektuhan.
Nakiusap ang MMDA ng kooperasyon ng publiko. DWIZ882
Related posts:
(Local Government Code pinaaamyendahan sa Senado) DAGDAG NA POWER SA LGUs VS TRAPIK
TRAPIK TUMINDI SA HOLIDAY RUSH
(Apela ng MMDA sa Christmas rush) HABAAN ANG PASENSIYA SA TRAPIK
UMIWAS SA TRAPIK SA BULACAN
(Trapik asahan) PUBLIC TRANSPORT BALIK KALSADA NA
(Trapik tumitindi, LGUs nagpasaklolo sa MMDA) TRUCK BAN IBABALIK NA
PINAS NO. 9 SA MGA BANSANG MATINDI ANG TRAPIK
PINAKAMALALANG TRAPIK, METRO MANILA PUMAPANGALAWA
Comments are closed.