CEBU – ISANG back up dancer ang nasawi nang umano’y himatayin ito habang pababa ng entrablado sa Brgy. Inayawan, Cebu City.
Ayon kay Brgy. Inayawan Chairman Kirk Repollo, kabilang ang biktima sa nag-perform o sa production number sa beauty pageant na Enchantress of Inayawan 2024.
Katatapos lang ng dance production number ng grupo ni alyas Juana at patungo sa hagdan para bumaba nang mistulang hinimatay saka diretso sa pagkahulog.
Unconscious na si Juana at isinugod sa ospital subalit pumanaw rin.
Ilan naman ang nagsabi na matamlay na ang biktima habang sumasayaw kaya pinaiimbestigahan ni Repollo kung sadyang may sakit na ang biktima bago sumama sa pagsasayaw.
Labis naman ang dalamhati ng kanyang ka-barangay, mga kaibigan at kaanak sa pagpanaw ni Juana.
Habang bumaha rin ang pakikiramay ng netizen kung saan naka-post pa sa social media ang huling pag-indak ni Juana.
PMRT