LAGUNA – ARESTADO ang isang miyembro ng 3rd sex o bading sa entrapment operation habang nailigtas ang 15-anyos na Grade 10 student sa Brgy. Bulilan Sur kamakalawa ng gabi.
Batay sa ulat ni Sr. Insp. Jean Alagos, hepe ng pulisya, kay Acting Laguna PNP Provincial Director Sr. Supt. Eleazar Matta, nakilala ang naaresto na si alyas Vince.
Ikinasa ni Alagos at kanyang mga tauhan ang entrapment operation matapos magtungo sa kanilang himpilan ang biktima kasama ang kanyang mga magulang bandang alas-11:30 ng gabi.
Nagkakilala ang biktima at suspek sa Facebook kung saan nagpalitan ng mga hubad na larawan habang inakala ni alyas Boiy na babae si Vince.
Bandang huli ay sinabi ni Vince na magkita sila upang gawin nang personal ang mga kahalayang ginagawa nila sa Facebook at doon ikinasa ang entrapment operation kaya nadakip ang suspek. DICK GARAY
Comments are closed.