CEBU – IDINEKLARA na “minor in conflict with the law” ang isang 16-anyos na lalaki nang maaktuhan itong nag-pupuslit ng shabu sa loob ng San Nicolas Police Station sa Cebu City.
Base sa impormasyong ibinahagi ng Cebu City PNP, dinalaw ng hindi na pinangalanang menor ang kanyang kaibigan na nakakulong sa San Nicolas Police Precinct detention cell nang maaktuhang nag-aabot sa preso ng pitaka na may lamang hinihinalang shabu.
Ayon kay SPO2 Edgardo Erci Emia, San Nicolas Precinct desk officer, dinakip ang binatilyo matapos madiskubre na may lamang walong maliliit na pakete ng hinihinalang shabu ang inabot na wallet.
Nabatid na dinalaw ng batang suspek ang kaibigan nitong si Jun Ramas na nakakulong dahil din sa kasong possession of ille-gal drugs.
Sinasabing habang nag-uusap ang dalawa, natiyempuhan ni PO1 Floro Lada na may ini-aabot na pitaka ang bata kay Ramas.
Nagulat ang pulis nang makita sa pitaka ang walong pakete ng umano’y shabu.
Itinurn-over na ang hindi pinangalanang suspek sa Operation Second Chance, isang pasilidad para sa mga kabataang lumabag sa batas. VERLIN RUIZ
Related posts:
DROGA ‘WAG BITBITIN SA PARTY -PDEA
MGA OPISYAL NG BARANGAY SA BULACAN KUMILOS KONTRA DROGA
DROGA MALAPIT NANG MABURA SA BULACAN
(Para sa paglaban sa droga at terorismo) 7K ESTUDYANTE NG STATE U LUMAHOK SA CAMPUS SYMPOSIA
P3.4-M DROGA NAKUHA SA KAGAWAD, 1 PA KALABOSO
DROGA SA 5 REHIYON TALAMAK PA RIN
AKTIBIDAD LABAN SA DROGA MATAGUMPAY
P13. 3 B DROGA SINUNOG SA CAVITE
Comments are closed.