BAGONG AIRPORT NG CEBU MAGTATAAS NG TERMINAL FEE SA INT’L FLIGHTS

mactan-airport

LAPU-LAPU CITY – BUBULAGA sa mga pasahero ang bagong dagdag na terminal fee para sa international flights, sa pagbubukas ng Terminal 2 ng Mactan-Cebu International Airport (MCIA) ayon sa isang opisyal.

Sinabi ni Steve Dicdican, MCIA General Manager, na ang admi­nistrasyon ay desidido sa pagtataas ng terminal fee mula sa kasalukuyang P750 at gawing P850.

Sinabi ni Dicdican na ang 100 singil ay makatutulong sa maintenance ng bagong “resort-themed” terminal.

Pero sinabi ni Dicdican, sa kanyang pagliliwanag na ang singil para sa domestic flights ay mananatiling P200.

Ang bagong airport terminal, na nagkaroon ng inagurasyon kama­kailan, ay nakatakdang maging operational sa Hulyo 1, tiyempo sa maraming international flights ang pagbubukas sa mga susunod na buwan.

Nakikitang makatutulong ang pagbubukas ng Terminal 2 sa physical capacity ng airport, sa 12 milyong  domestic at foreign passengers.

Noong 2017, nakapag-rekord ang MCIA ng 11 milyong pasahero.

Comments are closed.