MAGSISIMULA ang Bureau of Immigration (BI) sa pag-isyu ng bagong arrival at departure cards para sa international passengers sa Ninoy Aquino International Airport (NAIA) terminals upang maiangat ang kanilang serbisyo.
Ipinagbigay alam na ni BI OIC Deputy Commissioner Marc Red Mariñas, hepe ng Bureau’s Port Operations Divison (POD), ang hakbang kay BI Commissioner Jaime Morente para sa sinasabing distribusyon ng mga bagong travel cards sa iba’t ibang airlines magmula pa noong nakarang Hulyo 1.
Dagdag pa ni Mariñas, available na ang newly-printed cards sa immigration sa arrival at departure areas sa tatlong terminals sa NAIA.
Ang lumang arrival at departure card ay hindi na maaaring gamitin dahil naobserbahan ng BI na hindi nagbibigay ng sufficient information sa pagkakakilanlan sa hanay ng mga dayuhan na pumapasok sa bansa.
Ang arrival at departure card ay isang legal document na ginagamit para makakuha ng impormasyon mula sa mga dayuhan na hindi nakalagay sa kanilang mga pasaporte, at isa itong paraan upang makakuha ng karagdagan rekord ng isang tao partikular na sa entry at departure mula sa ibang bansa at sa Filipinas.
Ang bawat arrival at departure card na ito ay isinu-surrender sa primary immigration inspector pagdating at pag-alis ng bawat pasahero.
Ayon kay Morente, ang makokolektang impormasyon mula sa arrival at departure cards ay isang paraan ng BI alien monitoring at mapping, sa pagkuha ng karagdagang impormasyon na makatutulong sa safety ng Filipino sa paglabas ng bansa. FROI MORALLOS
Related posts:
11 PUSLIT NA OFWs HINARANG SA NAIA
BI NAKAALERTO SA NAIA
2K ILLEGAL ALIENS NADAKIP NG BI SA TAONG 2019
MGA EMPLEYADO NG BI SA NAIA NANANATILING COVID-FREE
KAMPANYA VS HUMAN TRAFFICKING PINAIGTING NG BI
MGA NAMATAY NA DAYUHAN I-REPORT SA BI
LALABAG SA HEALTH PROTOCOL SA BI PARURUSAHAN
BI HANDA SA PAGBUBUKAS NG INT’L TOURISTS
Comments are closed.