PINURI ni San Jose Del Monte City Rep. Florida “Rida” Robes ang nalagdaang batas para sa pag-amiyenda sa Public Service Act na aniya ay kailangan ng bansa para makabangon mula sa pandemyang dulot ng COVID-19.
Bilang isa sa may-akda ng House Bill No. 78 na bersiyon ng Mababang Kapulungan sa pag-amiyenda sa Public Service Act, sinabi ni Robes na ang pagbubukas ng ilang mga industriya para maging pag-aari na ng mga dayuhan ay higit pang makakaakit para sila mamuhunan sa ating bansa.
“Opening up some of our industries like telecommunications, railways and airlines to full foreign ownership will attract investors which will in turn create more jobs for our countrymen spurring development in our country. This is what our country needs at this time when we are starting to recover from effects of the pandemic,” pahayag ni Robes.
Isa si Robes sa mga inimbitahan sa Malacañang nang lagdaan ng Pangulong Rodrigo Duterte ang Republic Act (RA) No. 11659 o ang “An Act Amending Commonwealth Act No. 146 na kilala bilang Public Service Act” noong nakaraang linggo na nagpapaluwag sa paghihigpit sa mga dayuhang mamumuhunan upang payagan silang maglagak sa lokal na negoyso ng 100 porsiyento ng kanilang puhunan
Sa kabila nito, ilang mga industriya ang hindi sakop ng batas at hanggang 40-porsiyento lamang ang kanilang puwedeng ibuhos na puhunan tulad ng pamumuhunan sa distribusyon at transmission ng elektrisidad, pipeline transmission ng mga produktong petrolyo, water at wastewater pipeline distribution, kabilang ang sewage pipeline, mga daungan at pampublikong sasakyan.
Dahil sa bagong paraan ng pamumuhunan, sinabi ni Robes na inaasahan na, sa ilalim ng bagong batas, ang pagbaba ng halaga ng mga bilihin, pagpapabuti sa kalidad ng mga produkto at serbisyo at magpapakilala sa bagong pamamaraan na direktang magpapa-angat sa ekonomiya at buhay ng bawat Pilipino.
“I am proud to have been part of the momentous event that will bring us back on track towards economic recovery and growth,” dagdag pa ni Robes.
Related posts:
FOOD SECURITY SA PANDEMYA
(Sa gitna ng pandemya) DAGDAG ATM FEES IPAGPALIBAN
SENADO, IPINAGDIWANG ANG KONTRIBUSYON NG KABABAIHAN LABAN SA PANDEMYA
DFA TULOY ANG PAGPAPAUWI SA MGA OFWs NA APEKTADO NG PANDEMYA
PANDEMYA ‘DI MAKAKANSELA ANG MGA TRADISYON SA HOLY WEEK
AYUDA SA ECQ-2 HETO NA
COMMUNITY PANTRIES NGAYONG PANDEMYA PINURI NG MALAKANYANG
271 PINOY NA APEKTADO NG PANDEMYA SA VIETNAM NAKAUWI NA