Micaela Jasmine Mojdeh
LUMANGOY si Micaela Jasmine Mojdeh ng Region 4-A ng dalawang gold medals, ang isa ay record-fashion, sa swimming competition ng Palarong Pambansa nitong Biyernes sa Cebu City Sports Center.
Si Mojdeh ay naorasan ng 2:41.75 sa girls 13-18 200m breaststroke upang burahin ang 2:43.08 na naitala ni Xandi Chua noong 2019.
Tumapos si Beatrize Maria Mabalay ng Region 5 sa ikalawang puwesto sa oras na 2:44.51, kasunod si Gabriel Marie Sapinit ng Region 4-A (2:48.18).
Nanguna rin si Mojdeh sa 200m Individual Medley sa oras na 2:26.68. Nagkasya si Kacie Gabrielle Tionko ng Region 7 sa silver sa oras na 2:31.96, habang nakopo ni Patricia Mae Santor ng National Capital Region (NCR) (2:32.03) ang bronze.
Nagwagi ang Region 4-A ng dalawa pang gold medals mula kina Ethan Manuel Elimos at Peter Cyrus Dean.
Naorasan si Elimos ng 2:28.23 sa boys 7-12 200m IM upang gapiin sina Prince John Namoc ng Region 10 (2:29.31) at Christian Isaiah Lagnason ng Region 12 (2:30.16).
Samantala, nadominahan ni Dean ang boys 13-18 200m IM sa oras na 2:12.14, binura ang 2:12.58 mark ni Philip Joaquin Santos na kanyang naitala noong 2019.
Naorasan si Anton Paulo Dominick Della ng Region 1 ng 2:16.62 upang kunin ang silver medal habang nilangoy ni John Kyan Ramones ng Region 4-A (2:17.73) ang bronze medal.
Samantala, nakakolekta ang NCR ng tatlong gold medals mula kina Ashton Clyde Jose, Sophia Rose Garra at Rielle Aishlyn Antonio.
Nanalo si Jose sa boys 13-18 200m breaststroke sa 2:26.94. Pumangalawa sa kanya si Rafael Cyron Ole ng Region 4-A (2:27.84), sumunod si Kaden Gabriel Sy ng NCR (2:28.25).
Naorasan si Garra ng 2:33.30 upang magwagi sa girls 7-12 200m IM kontra Czarina Cavite ng Region 11 (2:43.31) at Eunice De Guzman ng Region 3 (2:44.82).
Nadominahan ni Antonio ang girls 7-12 50m breaststroke sa oras na 37.47.
Kinuha ni Gabriel Louse De Leon, mula rin sa NCR, ang silver sa 38.04 habang hinablot ni Kelli Marie Gillian Dimzon ng Region 8 ang bronze sa 38.46.
CLYDE MARIANO
Related posts:
BAGONG PALARONG PAMBANSA GIRLS’ 60M ARCHERY RECORD NAITALA NG CENTRAL VISAYAS BET
NCR NABAWI ANG LIDERATO SA PALARO
ARNIS DE MANO PALALAKASIN SA PALARONG PAMBANSA
TUMBLERS IPAMIMIGAY SA PALARONG PAMBANSA 2024
20 GOLDS PUNTIRYA NG BICOL SA 2024 PALARONG PAMBANSA
REFRESHER COURSE SA PALARONG PAMBANSA 2024 IDINAOS
UNANG GINTO SA PALARO HINABLOT NG CEBU RUNNER