LUMOBO na sa 46 katao ang naiulat na nasawi dahil sa epekto ng Severe Tropical Storm Kristine (international name: Trami), ayon sa Office of Civil Defense (OCD).
Patuloy naman ang rescue workers na nakikipagsapalaran sa mataas na tubig-baha para masaklolohan ang mga residente na na-trap sa mga bubungan ng kani-kanilang mga bahay.
“Many are still trapped on the roofs of their homes and asking for help,” ang sinabi ni PBGen. Andre Dizon, regional police director (PRO)5 for the hard-hit Bicol region, sa AFP.
“We are hoping that the floods will subside today, since the rain has stopped,” aniya pa rin.
Sinabi pa rin ni Dizon na ang kakapusan sa rubber boats ang “the greatest challenge” subalit mas marami naman ang paparating na.
Base sa data mula kay OCD administrator Undersecretary Ariel Nepomuceno, karamihan sa mga naiulat na nasawi ay mula sa Bicol Region na may 28 sumunod ang Calabarzon na may 15. Sinasabing tig-isa ang nasawi na naiulat mula sa Ilocos Region, Central Luzon, at Zamboanga Peninsula.
Sinabi pa ng OCD na may 20 katao ang naiulat na nawawala at pito naman ang naiulat na nasugatan dulot ng nabanggit na bagyo.
EVELYN GARCIA/VERLIN RUIZ
Related posts:
(Dulot ng TS Kristine) BAHA, LANDSLIDE SA 18K BARANGAYS PINANGANGAMBAHAN
7 NAITALANG PATAY SA PANANALASA NI TS KRISTINE
STS KRISTINE DEATH TOLL: 27 PINANGANGAMBAHANG NASAWI, NAWAWALA
6 BRGYs SA LINGAYEN LUBOG SA BAHA
P55-M TULONG HATID NG DSWD SA MGA APEKTADO NG BAGYONG KRISTINE
13 BAYAN ISINAILALIM SA STATE OF CALAMITY
BAGYONG KRISTINE HUDYAT NG LA NIÑA
(223 silid-aralan winasak, 415 partially damaged) P765-M INIWANG PINSALA NG BAGYONG KRISTINE – DEPED