BAGYONG MARCE LUMAKAS

PILIPINO Mirror

Itinaas na ang Signal No. 1 sa 14 lugar sa Luzon dahil sa bagyong Marce na lalo pang lumakas.

Sa 5:00 PM update ng Philippine Atmospheric, Geophysical and Astronomical Services Administration (PAGASA) nitong Martes, Nobyembre 5  huling namataan ang sentro ni Marce 480 kilometro ang layo sa silangan ng Echague, Isabela.

Taglay nito ang lakas ng hanging aabot sa 130 kilometers per hour malapit sa sentro at pagbugsong aabot sa 160 kilometers per hour.

Kumikilos ang bagyo pa-northwest sa bilis na 25 kilometers per hour.

Base sa forecast track ng weather bureau, magla-landfall o lalapit ang bagyong Marce sa Babuyan Islands o sa hilagang bahagi ng mainland Northern Cagayan pagsapit ng Huwebes ng tanghali o gabi, Nob­yembre 7.

Samantala, inaasahang patuloy na lalakas ang bagyo at posibleng maranasan ang “peak intensity” nito bago mag-landfall sa Babu­yan Islands o Cagayan.

Maaaring lumabas ng Philippine area of responsibility (PAR) ang bagyo sa Biyernes ng tanghali o gabi, Nob­yembre 8.

MA. LUISA GARCIA

Related posts:

BAGYONG MARCE BAHAGYA PANG LUMAKAS ACCURATE NA WEATHER FORECAST, MAS RESPONSABLENG AKSYON VS PAGBAHA 2 BAGYO POSIBLENG PUMASOK SA PH SA SUSUNOD NA LINGGO MAHIGIT 20 LUGAR NASA SIGNAL NUMBER 1 KAY ‘GENER’ METRO MANILA, AT ILAN PANG BAHAGI NG LUZON AT VISAYAS MANANATILING MAULAN NAMUONG LOW PRESSURE AREA NAMATAAN SA BATANES BAHAGYANG PAGLAMIG NG PANAHON NAGSISIMULA NA LPA SA LOOB NG PAR MALABONG MAGING BAGYO