BAHAY NINA LORNA AT DABOY SA WHITE PLAINS GIGIBAIN NG ANAK NA SI RENZ

PRIORITY ng anak nina Lorna Tolentino at nang yumaong Rudy Fernandez  na si  Renz Fernandez ay makapagpatayo  ng sariling bahay kaya nagdesis­yon  sila  ng  inang  si Lorna  at Kuya Rap  na ipagiba  na lang  ang kanilang  bahay sa White Plains, Quezon City  at  patayuan ng  dalawang bahay ang super laking lote na ipinundar pa ng kanilang ama noong nabubuhay pa ito.

Sa edad na 34 years old  ay  gusto  na raw ni  Renz maging independent,  kaya gusto niya magkaroon ng sariling bahay at kapitbahay pa rin niya ang kanyang ina at kapatid.

“Eh, 34  na ako. Gusto ko na rin na ako  na ang nagpapatakbo  ng sarili kong household. Hindi naman forever na nakadikit ako kay Mama. Kaya nagdesisyon na kaming tatlo na simulan ng bago ang lahat. Ipagiba ang  lumang bahay at tayuan  ng bago.

“Opo, maraming memories  ang bahay na iyon sa amin, pero we all  have to move on. Lahat   naman ng magagandang memories  na naiwan  ni Papa (Rudy Fernandez), nasa  amin  na, puso at isipan,” say  ni  Renz.

Hindi naman ikinaila ni Renz na may prospect na siyang babae na makasama o maging girlfriend, pero wala pa sa isip niya ang mag-asawa. Ang  pagpapatayo ng sarili  bahay  ay para  masanay at maging independent.

Gusto niya maging girlfriend hangga`t  maaari ay hindi taga-showbiz para maiba naman daw, pero kapag hindi nag-push ang popormahan niyang non-showbiz ay  may isang taga-showbiz siyang nakareserba.

WINWYN MARQUEZ HANDA NA MULING MA-IN LOVE         

HANDA nang magkaroon uli  ng lovelife ang former Reina Hispanoamericana na si Winwyn Marquez.

Isang taon na siyang loveless magmula nang maghiwalay sila ni Mark Herras. Kung si Mark ay mabilis  na  naka-move on  dahil ilang buwan pa lang sila naghiwalay  ni  Winwyn  ay  nakarelas­yon  na  nito ang  beauty queen turned actress na si Nicole Dones  nang  magkasama  sila  sa  isang  telserye.

After her  break up kay Mark ay  mas  na­ging priority ni Winwyn ang  trabaho kaysa magkaroon din ng bagong boyfriend.

Ngayon  ay  tila  handa na nga si Winwyn  na buksan muli ang nadurog  niyang  puso  para muling umibig. Kasama nga raw sa goal niya  sa  year 2020, “If  meron, di ba? If meron talagang  dumating  sa akin  at  ma-inlove  ako sa certain someone, then why not?

“There`s  nothing  to  be  afraid  of  pagdating  sa love.  If  maramdaman  mo, then go ,” say ni  Wyn.

Gusto rin ni Winwyn magkaroon  ng maraming  quality  time  sa kanyang  pamilya.