(Baka ma-COVID-19) ASO NI HEART EVANGELISTA PINAGSUOT NA RIN NG MASK

SA  sobrang  pag-aalala ni Heart Evangelista  sa kumakalat  ngayong CO­VID-19  ay siniguro niya  na bukod  sa kanila ni Sorsogon Governor Chiz Escudero  ay  nilagyan na rin niya ng mask pati ang paborito niyang alagang aso na si Panda bilang  proteksiyon.

Natuwa  at  naaliw  nga ang mga netizen sa tweet ni  Heart  na kung  saan makikita  pati ang alagang aso ay nakasuot ng mask. Ipinapakita  lang  ng  actress ang binibigay niyang pagmamahal at pagpapahalaga sa alagang aso  na hindi lang sa luxury accessories niya  ito binubusog, maging sa proteksiyon laban sa COVID-19.

Bukod sa suot na mask ay makikita  rin  ang  nakasuot  na  leeg ng aso ang pearl necklace  at  Hermes  scarf.

Mababasa  tuloy  sa mga comment ng tagahanga ni Heart  ang inggit  sa  ibinibigay  na pagmamahal  ng actress kaya  nangarap  din  sila  na sana  raw  ay ampunin din sila ng kanilang  idol  para  makatikim din  ng kaginhawaan  sa  buhay.

Ang iba naman ay na­ngarap na sana raw ay sila na lang si Panda  para  maramdaman din nila ang ganoong  pag-aalaga  na  bukod sa masasarap  na pagkain ay binibihisan  ng mga mamahaling  gamit.

Ang tanong ay kailan naman daw magkakaroon ng katuparan ang pagkakaroon ng sariling anak si Heart.

KRIS AQUINO KINARGA NG ANAK NA SI BIMBY NANG MAAKSIDENTE SA BORACAY

MADALAS  maaksidente si Kris Aquino. Kama­kailan lang ay muli na naman  siyang  naaksidente sa tinutuyang  unit  sa Shangri-La Boracay.

Sa  posting ni Kris  sa breakfast nila ng anak na si Joshua sa nasabing hotel ay  nasabi niya  sa  caption  na  nadulas siya  habang papalabas  ng  shower.

Hindi  inaasahan na bigla siyang  natumba na kung saan tumama ang  kanang  bahagi ng kanyang katawan at napasigaw dahil  sa sobrang  sakit  na  nadama.

Sumaklolo  agad  si Bimby  at agad  siyang binalutan  ng  tuwalya ang ina. Pinagbawalan siya ni Bimby na gumalaw at baka raw may butong na-dislocate  sa kanyang  katawan. Hindi na pinatawag ni Kris ang kanyang  staff  dahil  nagawa  niyang tumayo sa pamamagitan  ng kanyang  kamay at tuhod.

Pero  dahil hirap pa rin tumayo ni Kris, binuhat na lang siya ng kanyang bunso.

Uminom siya ng mild  medicine para maibsan ang  nadamang kirot  sa  kanang  bahagi ng katawan.

Ang  panganay  niyang  anak  na si Joshua ang sumama kay Kris sa breakfast  nila  sa  restaurant at ito na rin ang nag-alaga sa kanya.

Nakadama  ng  kasiyahan  si  Kris  at  blessed sa pagkakaroon  ng dalawang  anak  na lagi niyang naaasahan sa mga ganoong pangyayari.

Sabi  nga ni Kris ay  tila  hindi  siya  hinihiwalayan  ng  aksidente  at lagi  siyang  nakararanas  ng  hindi  magandang  pangyayari  sa  buhay.