PINAKAKALMA ng pamahalaan ang mga nag-aalborotong jeepney driver at operator sa gitna ng banta ng mga ito na ibabalandra at susunugin sa mga lansangan ang mga lumang jeep.
“Sayang naman ‘yong jeepney na susunugin nila, puwede naman nilang gamitin sa iba like imbes na pasahero ang ikakarga, mga kargamento,” wika ni Alberto Suansing, consultant sa Department of Transportation (DOTr).
Ayon kay Suansing, hindi naman nagtataingang-kawali ang DOTr pagdating sa kanilang kalagayan.
Ito ay makaraang muling sumama ang loob ng mga jeepeny driver at operator matapos na tila kumambiyo ang Malacañang sa anunsiyo ng Land Transportation Franchising and Regulatory Board (LTFRB) na balik-kalsada na ang mga tradisyunal na jeep, kasama ang UV Express, sa susunod na linggo.
“Wala po kaming kasiguraduhan na ibinibigay na ang lahat ng jeep ay makakapasada… magkakaroon po ng determination kung alin ang road-worthy,” wika ni Presidential Spokesperson Harry Roque.
Ngunit sinabi ni Suansing na inaayos pa ang guidelines na dapat sundin sa pagbabalik-pasada ng mga tradisyunal na jeep at mga rutang puwedeng pasadahan.
“Marami pang ruta dito sa Metro Manila ang bakante pa para sa mga jeepney… dapat ‘yong mga unit nila ay papasa sa inspection ng LTO (Land Transportation Office),” ani Suansing.
Related posts:
LUMANG JEEP PAPAYAGAN NA BASTA ROADWORTHY – LTFRB
APELA NG SOLONS: LUMANG JEEP IBALIK NA
HIRIT SA DOTr, LTFRB: BIYAHE NG JEEP SANA ALL
APELA NG TRANSPORT GROUP SA GOBYERNO: LAHAT NG RUTA NG JEEP BUKSAN NA
(Aprub sa LTFRB)TAAS-PASAHE SA JEEP, BUS, TAXI, TNVS
PAGPASOK NG BUS, JEEP SA METRO BAWAL NA
TRANSPO PARA SA HEALTH WORKERS HINILING
GO UMAPELA SA DOF, BIR NA PALAWIGIN ANG TAX DEADLINE SA GITNA NG COVID-19 CRISIS
Comments are closed.