BANGKAY NG SANGGOL NATAGPUAN SA CREEK

RIZAL- ISANG bangkay ng sanggol na lalaki ang natagpuan sa creek na nakasilid sa karton kamakalawa ng gabi sa lungsod ng Antipolo.

Ayon ulat ni Lt. Col. Ryan Manongdo, hepe ng Antipolo PNP, nabatid na dakong alas-8:30 kamakalawa ng gabi nang matagpuan ang karton kung saan nakasilid ang Isang sanggol na lalaki sa creek sa City Mall ng Brgy., dela Paz sa lungsod.

Ayon kay Cpl. Von Christian Castelo, lumobo na ang katawan nang matagpuan ang sanggol, ngunit hindi ito naaagnas palatandaan na hindi pa nagtatagal.

Naniniwala ang mga imbestigador na posibleng pinaanod ang sanggol na isinilid sa karton dahil mahaba umano ang sapa.

Dakong ala-1 ng umaga ng itawag sa tactical operation center ang natagpuang bangkay at iniimbestigahan na mga awtoridad. ELMA MORALES