PUMALO na sa P10 hanggang P20 ang ibinaba ng presyo ng bangus na ibinibenta sa mga pamilihan sa lungsod ng Dagupan.
Mula sa dating P140 hanggang 160 na presyo nito kada kilo, nasa P110 hanggang P120 na lamang ngayon.
Ayon sa City Agriculture Office, ang pagbaba ng presyo ng naturang isda ay bunsod umano sa sobrang suplay nito. Sabay-sabay kasi umanong inaani ng mga fish grower ang kanilang isda tuwing buwan ng Hunyo.
Naitala noong Setyembre ng nakaraang taon ang ang pinakamataas na presyo ng bangus kung saan umabot sa P160 hanggang P180 ang wholesale na kada kilo nito.
Tiniyak naman ng Agriculture Office na walang problema sa suplay ng bangus mula sa lungsod dahil hindi naman apektado ng sama ng panahon ang mga palaisdaan.
Comments are closed.