RIZAL- DALAWANG lalaki ang nagtalo na nauwi sa barilan at tagaan na siyang agad na ikinamatay ng 55-anyos na mister makaraang masibak ito sa ulo ng nakaaway sa Rodriguez sa lalawigang ito.
Kinilala ang biktimang si Virgo Reno, nakatira sa Sitio Laan, Brgy. Macabud ng nabanggit na bayan.
Habang Target naman ng mga awtoridad ang suspek na si alyas Rene, 59-anyos, magsasaka ng Sitio Proper-2 ng naturang lugar.
Base sa isinagawang imbestigasyon, dakong alas- 2:20 ng madaling araw nang magkaroon ng pagtatalo ang biktima at suspek sa Sitio Proper 2 , Brgy. Macabud.
Agad umanong bumunot ng improvised shotgun ang biktima at binaril ang suspek ngunit hindi ito tinamaan.
Dito, hinugot ng suspek ang itak sa baywang at tinaga sa ulo ang biktima.
Ayon sa ilang saksi mistulang buko ang pagkakataga sa ulo ng biktima na agaran nitong ikinamatay sa lugar habang tumakas naman ang suspek patungo sa kagubatan. ELMA MORALES
Related posts:
2 TULAK TIMBOG SA P204-K SHABU, BARIL
3 TULAK TIMBOG SA SHABU, BARIL
KUMASA SA OPLAN SITA: 1 PATAY, PULIS SUGATAN
MAG LIVE-IN ARESTADO SA P1.4-M SHABU, BARIL
21 KATAO ARESTADO SA MAGDAMAG NA PNP OPS
4 HIGH VALUE TARGET TIMBOG
LIVE-IN PARTNER KALABOSO SA P1M SHABU
PULIS AT MILF MEMBER NASAKOTE SA PAGBEBENTA NG MGA BARIL