(Baril, pampasabog narekober) 2 SUPPORTERS NG NPA NASAKOTE

MASBATE-ARESTADO ang mag amang supporter ng communist New People’s Army matapos makuhanan ng hindi lisensiyadong baril at pampasabog sa magkahiwalay na law enforcement operation ng mga tauhan ng PNP Police Regional Office 5 kahapon ng umaga sa lalawigang ito.

Ipinatupad ng pinagsamang puwersa ng Esperanza MPS; Masbate PECU; 1ST PMFC; PIU Masbate PPO; at Masbate 2nd PMFC, 3rd Maneuver Platoon ang search warrant sa tahanan ng mga inaakusahang NPA supporters sa Sitio Harapay, Brgy. Villa, Esperanza, Masbate.

Dakong ala-5:37 ng umaga,inihain ng mga nasabing operatiba ang Search Warrant no. 18-2021 sa paglabag sa RA 10591 o “Comprehensive Firearms and Ammunition Regulation Act” na ibinaba ng RTC, BR 49, 5th Judicial Region, Cataingan, Masbate noong Hulyo 22, 2021 laban sa 65-anyos na magsasaka na si Prudencio Borado Sr.y Rosales.

Nakuha mula sa suspek ang isang .45 kalibre pistola na kargado ng 5 bala at isang (1) gun holster.
Bandang ala-5:40 ng umaga naman nang isinilbi ang isa pang search warrant laban sa anak nitong si Prudencio Borado Jr. y Saraga, 26-anyos,walang asawa at isang Casual employee ng LGU Esperanza.

Nakuha umano sa pag-iingat nito ang isang kalibre .45 pistola na kargado rin ng limang bala; isang granada at isang gun holster.

Ang mag-amang suspek ay kapwa kapanalig ng Militia ng Bayan (MB), sa ilalim ng Rogelio Suson, alyas “Manong” command.VERLIN RUIZ

Related posts:

DRUG USERS DINALE SA HARAP NG BAHAY BABAENG NILIKIDA SA LOOB NG BAHAY 5 KELOT NA DE BOGA HULI SA TUPADA BARIL, BALA, NAKUHA NG PNP GATTARAN SA TUMAKAS NA SUSPEK TSERMAN, 3 PA NAHULIHAN NG BARIL AT BALA 3 NASAWI SA PAMAMARIL RETIRADONG PULIS BINARIL HABANG NAGJO-JOGGING 2 PATAY SA PAMAMARIL