BARKONG PANDIGMA NG NAVY SASABAK NA

MASASABAK sa unang official mission ang pinakabago at pinakamalakas na  barkong pandigma ng Philippine Navy sa inilunsad na  AFP Joint Exercise “DAGIT-PA” o  “Dagat-Langit-Lupa” wide exercises.

Layon nito na lina­ngin ang interoperabi­lity operations ng Philippine Navy, Philippine Air Force at  Philippine Army.

Gayundin, target nito na itaas ang antas ng mga nauna ng pagsasanay sa pamamagitan nang pagsanib ng  AFP’s Special Ope­rations Forces, Cyber Group at Reservists.

Aabot sa mahigit 1,500 na sundalo ang sasabak sa Dagit-Pa 2019 na gagawin sa Palawan, Zambalez  at Nueva Ecjia.

Kabilang sa gagawing pagsasanay ay ang  Air/Maritime Interdiction Operation sa Palawan; Amphibious Landing  sa Zambales,  Airfield Seizure and Military Operations in Urban Terrain sa Nueva Ecija at Combined Arms Live Fire Exercise sa  Tarlac.

Ayon kay AFP-ETDC commander Commodore Adeluis Bordado, pakay ng nasabing pagsasanay na magkaroon ng mabilis na komunikasyon ang tatlong major services sa panahon ng emergency.

“Kanya-kanyang language para magkaintindihan in a joint ops, campaign, kaila­ngan testing natin kung paano sila nag-uusap. Iba-ibang doctrine kasi sinusunod ng major services,” ani Bordado.

“Iba’t ibang gamit  kung paano sila mag-u­sap-usap, paano sila mag conduct ng ope­ration, ang tina-tawag natin na interoperability, ang  objective is to successfully accomplish our given mission, mistula itong Baikatan exercise Pinoy style,” paliwanag pa ni Bordado. VERLIN RUIZ