BASIC HEALTH PROTOCOLS, UNAHIN! -FRONTLINERS GROUP

ISANG grupo ng mga frontliner ang nananawagan sa lahat ng community pantry organizers na unahin ang pagpapatupad ng mga basic health protocols bukod sa kanilang malinis na layuning makatulong sa mas nangangailangan sa gitna ng Covid-19 pandemic.

Hinimok ni Alvin Constantino, founder ng Confederate Sentinels of God (CSG) Inc. ang lahat ng may magagandang layunin na mga organizer na mahigpit na ipatupad ang minimum health protocols ng Department of Health upang lubos na maproteksiyunan ang sinuman laban sa nakamamatay na virus.

“Isipin at pagplanuhan natin mabuti ang itatatag na community pantry projects upang tunay tayong makatulong sa mga less fortunate at nagdurusa nating mga kababayan,” saad ni Constantino.

“Huwag nating hayaan na kumalat ang Covid-19 sa ating komunidad na maaaring maging sanhi ng kamatayan ng ating mahihirap na kapitbahay. Sinasaluduhan ko po ang ating community pantry organizers.

Your hearts are similarly attuned to the hearts of our patriotic

Filipino heroes of the past,” diin pa nito.

Nagpahayag naman si Dr. Leo Olarte, president ng Bayanihan Frontliners Movement na sisimulan na nila sa National Capital Region (NCR) ang nationwide distribution ng mga pagkain at relief goods sa bahay-bahay katuwang ang Department of Social Welfare and Development kasabay ng libreng 24/7 online telemedicine service (www.docph. org).

Ayon naman kay Dr. Benito Atienza, president, Philippine Medical Association, isang joint Lingkod Bayanihan caravan ang kanilang pinasimulan sa Hospital de San Jose Orphanage sa Quiapo, Manila sa pamimigay ng mga pagkain at relief goods sa  450 na bata at matatanda kaalinsunod ng online telemedicine services. BENEDICT ABAYGAR, JR.

Related posts:

BONG GO SA PUBLIKO: TUMALIMA SA HEALTH PROTOCOLS VS. COVID-19 FRONTLINERS NA GALING NG VISAYAS, PINASALAMATAN NI SEN.GO HEALTH PROTOCOLS PINAALALA SA MGA PUMIPILA SA COMMUNITY PANTRIES 1,500 FRONTLINERS SA NAIA BAKUNADO NA HEALTH PROTOCOLS HIHIGPITAN PA (Lumabag sa health protocols) RESTO BAR KINANDADO MGA PULITIKO PINAALALAHANAN SA HEALTH PROTOCOLS BONG GO URGES FILIPINOS TO BE VIGILANT AMID RISING FLU CASES; ENCOURAGES VOLUNTARY WEARING OF MASKS FOR PROTECTION