NAVOTAS CITY – DEAD on the spot ang isang sampung taong gulang na batang babae matapos mahagip ng isang tractor head sa lungsod na ito, kamakalawa ng hapon.
Namatay noon din ang biktima na nakilalang si Ma. Isabel Advincula, 10, residente ng 112 R. Domingo St., Brgy. Tangos, sanhi ng tinamong pinsala sa ulo at katawan.
Sa nakarating na ulat kay Navotas police chief P/Col. Rolando Balasabas, alas-5:30 ng hapon nang maganap ang insidente sa kahabaan ng R-10 Road, Brgy. North Bay Boulevard South (NBBS).
Lumabas sa imbestigasyon, tumatawid ang biktima sa naturang lugar nang mahagip ito ng mabilis ang takbo na Isuzu tractor head na minamaneho ni Martin Fale, 40, ng Area 4 Sitio Payong, Old Balara, Quezon City.
Sa lakas ng impact, pumailalim ang biktima at nagulungan pa ang kanyang katawan ng hulihang gulong ng tractor head habang naaresto naman si Fale ng mga rumespondeng tauhan ng Navotas Police Mobile Patrol Unit na sina P/Cpl. Warren Cudal at P/Cpl. Joaquin Yanto III. EVELYN GARCIA
Related posts:
KELOT PINALUTANG SA ILOG
PATAY SA COVID-19: 5 SA VALENZUELA, 1 SA MALABON
16 PATAY, 3 NAWAWALA SA BAGYONG ROLLY
(1 patay, apat sugatan) STEEL GIRDER NG SKYWAY BUMAGSAK
2 PATAY, 3 BUMBERO SUGATAN SA SUNOG
2 PATAY SA COVID-19 SA MALABON
IPINANGANAK NA SANGGOL SA TRICYCLE NAHULOG, PATAY
(Dahil sa ligaw na bala at ilegal na paputok) 4 PATAY SA PAGSALUBONG SA BAGONG TAON
Comments are closed.