CAMP CRAME – MAKARAANG ma-promote noong nakaraang linggo, muli na namang na promote ang opisyal ng National Capital Region Police Office (NCRPO) na nanghablot ng cellphone ng TV reporter noong Enero 19 sa selebra-syon ng Pista ng Itim na Nazareno at Traslacion 2020 sa Quiapo, Manila.
Sa naging reshuffle, itinalaga ni PNP Chief, Gen. Archie Francisco Gamboa si PBGen. Nolasco Bathan bilang bagong Deputy Regional Director for Administration na ikalawa sa pinakamataas na puwesto sa NCRPO.
Papalit naman kay Bathan bilang Deputy Regional Director for Operations si Police B/General Florendo Quibuyen.
Itinalaga naman ni Gamboa si PBGen. Herminio Tadeo Jr. na bagong Director ng PNP Health Service.
Si PCol. Steve Ludan naman ay itinalagang Acting Executive Officer ng Directorate for Research and Development.
Epektibo ang balasahan kahapon, Pebrero 14, 2020. REA SARRMIENTO
