INAMIN ni Senador Ronald Dela Rosa na kabilang siya sa mga senador na pumirma sa resolusyon para suportahan si Senate President Chiz Escudero.
“Yes. Even though my signature is already insignificant. Lumapit sila sa akin after the battle has been won. Mayroon na silang 14 na pirma,” sinabi ni Dela Rosa sa isang press briefing.
Matatandaang nakitang umiiyak si Dela Rosa habang nagpahayag ng kanyang talumpati si dating Senate president Juan Miguel Zubiri kasunod ng kanyang pagbibitiw.
“Nu’ng sinaluduhan ako ni [Sen.] Migz ay talagang hindi ko napigilan napaiyak ako… Ang gusto ko sabihin kay [Sen.] Migz—sorry, boss. I failed to win the war for you,” anang mambabatas.
May kabuuang 15 senador ang bumoto para patalsikin si Zubiri bilang Senate President.
LIZA SORIANO
