BEAUTY QUEEN-TURNED ACTRESS BUNTIS

PINAG-UUSAPAN ngayon ang diumano’y pagbubuntis ng isang isang beauty queen-turned actress courtesy of a popular senator.

In fairness, binata naman si senador at wala rin namang problema kay beauty queen dahil single na single rin ito tulad  ni senador.

Samantala,  nagiging  bukas  na si Bianca Manalo  sa netizens tungkol sa kanyang  lovelife kay Senator Win Gatchalian.  Katunayan ay ipinakita pa nga ni Bianca ang larawan nila ni Senator Win sa mismong bahay  ng huli, sa mismong araw ng Chinese New Year.

Ang  unang  larawan na pinost  ni Bianca  ay magkasama silang dalawa  kung  saan naka-Chinese outfit pa siya at may  hawak  na “ampao.”

Magkasama  silang  nag-celebrate ng Chinese New  Year na hindi na  nga  itinatago ni Bianca. Mababasa  sa mga comment sa post na tanggap  ng mga taga-Valenzuela  si Bianca.

May  mga  nagtatanong kung kailan daw magiging taga-Valenzuela si Bianca  na ang ibig sabihin ay kung kailan sila magpapakasal.

Hindi  kaya  si Bianca Manalo ang naka-blind item na beauty queen-turned actress na buntis at ang ama ay si Senator Win ?

Mapapansin  din kasi na madalas na wala na rin sa eksena ng Ang Probinsyano si Bianca. Kasama rin kasi si cast ng serye ni Coco Martin ang beauty queen-turned actress.

Well,  if ever ay wala namang masama dahil pareho naman silang single at  nagmamahalan.

MS. U PHILS GAZINI GANADOS NAKILALA NA ANG AMA

SA WAKAS,  natagpuan at nakilala  na rin ni Miss Universe Philippines 2019  Gazini  Ganados  ang kanyang matagal nang hinahanap na biological  father.

Isa sa mga goal niya kaya siya nangarap na maging beauty queen ay para magkaroon  ng  pagkakataon  na makabiyahe at makilala  ang  kanyang ama  na  nakatira  sa  Palestine. Pero, ang kanyang  ama  na  mismo  ang nagpunta ng Pinas  para sila magkita.  Ayon kay Gazini ang pagkikita raw nilang mag-ama ay ang “happiest  day of her life.”

Ang post nga ng beauty queen sa IG:

“Surreal. Eversince  I  was  a  little  girl,  I have always  heard  the stories  of how my mom and dad  first met. The year was 1990. Venue, Shakey`s  Pizza  Parlor. Now here I am, 30 years  later. The year 2020 at Shakey`s.  Having  my  very  first  dinner  date  with my DAD!  What  a  way  to  start  my  year!”

Lumaki  si Gazini sa piling ng  kanyang  lolo`t  lola sa Cebu. Sa nakaraang Miss Universe 2019 sa Atlanta, Georgia ay umabot siya sa Top 20  at  na­panalunan niya ang Best National Costume award.

Hindi  man siya nagwagi  o hindi man naiuwi ang korona ng Miss Universe ay nakita at natag­puan naman  niya ang kanyang  biological  father  na matagal  na  niyang  pinangarap  sa  buhay.

MIKAEL DAEZ MUKHANG MADUNGIS ANG HITSURA SA KANILANG WEDDING NI MEGAN YOUNG

IKINASAL  na nga sina Mikael Daez at Me­gan Young sa Subic pero marami ang  hindi  gusto ang hitsura ng buhok ni Mikael na halos matakpan na ang kanyang  kaliwang mata sa buhok nito.

Maging si Megan ay tila naalibadbaran sa buhok ni Mikael na inaayos pa ng una para makakita  ng maayos habang sila ay ikinakasal.

Gusto  yata ni Mikael na magpauso  ng tabas ng buhok sa harapan  ay  sorry to say, walang  gagaya  ng  kanyang  hitsura  na mukhang sanggano  at  marungis.

Well, sabi nga  ay hayaan kung  ‘yung  ang  magpapaligaya sa kanyang buhay.