CAVITE– AGAW-BUHAY sa pagamutan ang isang babae matapos pagbabarilin ng riding in tandem sa mismong tapat ng bahay nito sa Brgy. Esperanza Ilaya, Alfonso sa lalawigang ito.
Kinilala ng pulisya ang biktima na si alyas Marites, nasa hustong gulang, residente ng nasabing lugar.
Hindi pa tukoy ang dalawang suspek na mabilis na tumakas matapos ang pamamaril sakay ng isang motorsiklo.
Sa imbestigasyon ng pulisya, dakong alas-10:55 ng umaga nang maganap ang pamamaril nasa labas umano ng bahay ang biktima nang dumating ang riding in tandem.
Bumaba sa motor ang isa sa mga suspek at lumapit sa biktima na agad itong pinagbabaril. Kahit na may tama ay nakatakbo pa din papasok sa kaniyang bahay ang biktima habang mabilis ma tumakas ang mga suspek.
Sakay ng kulay asul na Honda Click ang mga suspek na naka-itim na helmet umano ang driver habang purple na long sleeve na may hood ang backrider nito.
Love Triangle ang sinisilip na anggulo ng pulisya hinggil sa insidente at kasalukuyan nagsasagawa ng follow-up operation ang pulisya hinggil sa insidente. SID SAMANIEGO
Related posts:
BRGY TANOD NAKULITAN SA KAPITBAHAY BINARIL
1 PATAY, 3 KRITIKAL SA PAMAMARIL SA PERYAHAN
PULIS NA NAGMAMANDO NG CHECKPOINT PATAY SA SUV, 1 PA SUGATAN
(Kasambahay, driver iginapos) BAHAY NG INDONESIAN NILIMAS NG 7 ARMADONG KALALAKIHAN
SUNOG SA ISLA: 4 BAHAY NATUPOK, 1 NASAKTAN
2 COAST GUARD NAGPAPUTOK SA LAMAY
PEKENG PULIS ARESTADO
PUGOT NA ULO NATAGPUAN NA