Mga laro sa Miyerkoles:
(Araneta Coliseum)
3 p.m. – TNT vs Phoenix
5:45 p.m. – Magnolia vs Meralco
NAGPASABOG si Cameron Clark ng 40 points at kumalawit ng 13 rebounds upang pangunahan ang San Miguel sa 121-115 panalo kontra Converge at umabante sa PBA Governors’ Cup semifinals kagabi sa Araneta Coliseum.
Nagtala si CJ Perez ng kanyang sariling double-double na 26 points at 12 rebounds habang kumana si Vic Manuel ng perfect 9-for-9 from mula sa field para sa 20 points at hindi hinayaan ng second-ranked SMB na masayang ang kanilang win-once advantage laban sa seventh-seeded opponent.
Makaraang sumalang sa kanilang ikatlong laro sa limang araw, ang Beermen ay makapagpapahinga ngayon bago harapin ang mananalo sa isa pang quarterfinals pairing sa pagitan ng No. 3 Barangay Ginebra at No. 6 NLEX sa isang best-of-five semifinals duel.
Ayon kay SMB coach Jorge Gallent, siguradong gagamitin ng kanyang players ang break hindi lamang para makapagpahinga kundi para makapaghanda sa ‘giyera’.
“Nothing comes easy now. It’s the playoffs,” sabi ni Gallent.
“We had a hard time against Converge today and I’m expecting we’re gonna have a hard time in the semifinals,” dagdag ni Gallent. “So we just have to prepare, prepare, prepare.”
Nagbuhos si bagong import Tom Vodanovich ng 39 points at 10 rebounds para sa Converge subalit hindi ito naging sapat para maisalba ang FiberXers sa pagkakasibak.
“We just watched his last film, when he played about a month ago. That was the only basis that we could scout him,” ani Gallent. “We knew he was very aggressive and a good three-point shooter so we prepared for that defensively.”.
CLYDE MARIANO
Iskor:
San Miguel (121) – Clark 40, Perez 26, Manuel 20, Cruz 12, Tautuaa 8, Lassiter 7, Enciso 6, Ross 2, Brondial 0, Bulanadi 0.
Converge (105) – Vodanovich 39, Ahanmisi 18, Arana 14, Stockton 12, Melecio 11, Teng 7, Balanza 4, Murrell 0, Tratter 0, Ebona 0, Tolomia 0, Racal 0.
QS: 34-27, 57-58, 94-82, 121-105.
