BEJINO SASALANG NA SA TOKYO PARALYMPICS

Gary Bejino

TOKYO – Nakatutok ang lahat kay swimmer Gary Bejino, ang unang Filipino campaigner na sasalang sa aksiyon sa World Para Games, kung saan sasabak siya sa men’s SM6 200-meter individual medley ngayong araw (Huwebes) sa Tokyo Aquatic Centre dito.

Isang back-to-back gold medalist sa ASEAN Para Games sa 2015 Singapore at 2017 Malaysia editions, si Bejino ay lalangoy sa lane No. 7 sa ikalawa sa tatlong  heats na magsisimula sa alas-9:32 ng umaga (alas-8:32 ng umaga sa Manila).

Ang  top eight overall finishers sa heats ay papasok sa finals na nakatakda sa alas-5:22 ng hapon (alas-4:22 ng hapon sa Manila) sa parehong araw.

Si Bejino ay sasamahan sana ng isa pang para-athlete sa pagsabak sa ikalawang araw ng aksiyon sa World Para Games sa kampanya na suportado ng Philippine Sports Commission (PSC). Subalit hindi nakaalis si powerlifter Achelle Guion, na nakatakda ring sumalang ngayong Huwebed, makaraang magpositibo sa  COVID-19 sa araw ng paglipad ng  PH contingent patungong Tokyo noong nakaraang Linggo, ayon sa Philippine Paralympic Committee.

Ayon kay swimmimg coach Tony Ong, medyo ninenerbiyos si Bejino dahil ito ang kanyang unang Para Games “and competing in the highest level of competition. But I told him not to worry and enjoy. In enjoying the process and you make it to the finals, then let’s take it from there.”

“Medyo kinakabahan po kasi ako ang unang sasabak sa atin pero kaya pong labanan,” sabi ng 23-year-old athlete, na nakoryente sa edad na pito, dahilan para putulin ang kanyang kanang braso at kaliwang paa.

Sasalang naman ang kanyang teammate na si Ernie Gawilan, nagwagi ng pares ng gold at silver medals sa 2018 Asian Para Games sa Jakarta, Indonesia sa  men’s SM7 200-meter individual medley event sa Biyernes.

Sinabi ni Ong na lumangoy sina Bejino at Gawilan ng tig-3,000  – o 60 laps sa isang 50-meter pool – noong Martes.

Todo papuri naman si dating national swimming standout turned coach Ral Rosario sa dalawang swimmers, hindi lamang sa kanilang kakayahan at talento, kundi maging sa kanilang excellent work ethic.

“Ibang sklase iyong determination ni Gary and ni Ernie. They are able to block out pain and you can push them as hard as you can and they don’t complain,” ani Rosario,gold medalist sa men’s 200-meter freestyle sa 1978 Bangkok Asian Games.

“They (Bejino and Gawilan) are very trainable, and they accept what coaches tell them to do. It’s very hard to find athletes with that same kind of mentality,” sabi ni Rosario, isang two-time Olympian, na siyang chef de mission ng national paralympic squad sa 2015 ASEAN Para Games sa Singapore. CLYDE MARIANO

One thought on “BEJINO SASALANG NA SA TOKYO PARALYMPICS”

Leave a Reply

Your email address will not be published. Required fields are marked *