IPINAGKIBIT-BALIKAT lamang ni Labor Secretary Silvestre Bello III ang panawagan ng isang grupo na magbitiw na siya sa puwesto kasunod na rin ng akusasyon ng korapsiyon at umano’y pagtangging tulungan ang isang overseas Filipino worker (OFW) na maiuwi ang sanggol nito na nasa Saudi Arabia.
Nanindigan si Bello na hindi magbibitiw sa puwesto at nagpahayag ng paniniwala na may kinalaman ang mga naturang umano’y paninira, sa kanyang aplikasyon upang maging susunod na Ombudsman, kapalit nang magreretirong si Ombudsman Conchita Carpio-Morales.
Hinamon din nito ang mga nag-aakusa sa kanya na magpakita ng ebidensya, o mag-produce ng empleyado ng Department of Labor and Employment (DOLE), na magpapatunay na siya ay korap.
“’Pag nakakita sila, magre-resign ako,” ani Bello, sa panayam sa radyo.
Reaksiyon ito ni Bello sa naunang panawagan ng grupong Kilusang Pagbabago National Movement for Change na magbitiw na siya sa posisyon, nang tumanggi umanong tulungan ang isang OFW na maiuwi ang kanyang sanggol na nasa Saudi Arabia.
Sa isang pulong balitaan, inakusahan pa ni Alie Dizon, secretary general ng grupo, si Bello na walang puso at walang malasakit sa tao, kaya’t hindi siya karapat-dapat sa naturang posisyon.
Nagbanta pa si Dizon na ibubunyag ang iba pang umano’y mga ilegal na aktibidad ng kalihim kung hindi ito bababa sa puwesto. ANA R HERNANDEZ
Related posts:
(Para sa displaced workers dahil sa Taal eruption) TULONG PANGKABUHAYAN HILING SA DOLE
(DOLE nagbabala) PEKENG TRABAHO SA CANADA
(DOLE naghahanda na) PAG-UWI NG OFWs SA KOREA
(Mga employer hinimok ng DOLE) I-AVAIL ANG TULONG SA WORKERS
P5-B DAGDAG-PONDO IHIHIRIT NG DOLE PARA SA CASH AID NG WORKERS
₱40-B BUDGET PARA SA 3- BUWANG WAGE SUBSIDY HILING NG DOLE
SEN. GO SA DOLE AT DTI: HANAPAN NG PANGKABUHAYAN ANG MGA NAWALAN NG TRABAHO
PINOY WORKERS NA TATAMAAN NG COVID MAY KOMPENSASYON
Comments are closed.