SARAP sana kung may pambili tayo ng bagong cellphone ngayong 2024. Isa sa pinakamagandang bilhin sa ngayon ay Foldable Phones & Tablets. Ang Z Flip Ultra at Z Fold Ultra ay inaasahang magiging pinakasikat ngayong taon.
Hindi pahuhuli ang Galaxy Z Flex, smartphone na natitiklop ng tatlong ulit na ipinakilala noong 2023 pero ngayong taong ito lamang ilalabas.
Pagdating sa high quality camera, nangunguna ang Samsung Galaxy S24 Ulktra at ang iPhone 15 Pro. Pwede rin ang high-end na Google Pixel 8 Pro Android phone, mahal nga lang. Kung naka-budget ka, piliin na lang ang mas murang Google Pixel 7a.
Pero dahil Samsung fan ako, mas inirerekomenda ko ang Samsung Galaxy S23 Ultra o kaya naman ay ang Samsung Galaxy S23 na mas maliit.
Syempre, iba-iba ang laki ng cellphone – may maliit, may malaki – at may mura at may mahal. Sa ngayon, foldable phones na pwedeng ipalit sa laptop ang uson para naisusukbit sa bulsa at mas convenient dalhin. Iba na kasi ang mga cellphones ngayon. Lahat ng features ng laptop, meron sila.
Handy rin sila na video cam at photo camera. Ngayon, gamit ang napakaliit na cellphone, pwede kang magtrabaho sa labas ng opisina basta may internet. Pwede ring mag-coverage ang mga TV, radio at print reporters and correspondents na wala nang bitbit na mabigat na laptop, video cam, voice recorder, at camera. At kumpara presyo ng pinagsama-samang laptop, video camera, voice recorder at camera, mas mura ang cellphone, kahit pa yung high-end.
Outstanding software ar camera performance ang kayang ibigay ng napakaliit na cellphone. Pixel 8 ang best version ng Android, na may garantisadong security updates hanggang 2030, bukod sa ito pa ang may best smartphone camera. Napakaganda rin ng build quality nito, bukod pa sa mas mura kumpara sa latest iPhones ng Apple.
Medyo mas mahal ang Pixel 7a kesa iba pero sulit naman ang features. May better display ang 7a, mas Magandang camera, Face Unlock, at Tensor G2 processor ng Google custom sa plastic body.
Hindi ito ang the best sa Pixel model, pero sulit ang halaga.
Pili na! Hanapiun ang cellphone na tama para sa badyet at pangangailangan mo. NLVN