TINIYAK ng Bureau of Immigration (BI) na handa sila sa sakaling magdesisyon ang gobyerno ng Pilipinas na buksan ang pinto para sa mga dayuhang turista kasunod ng patuloy na pagbaba ng bilang ng kasong COVID-19 sa bansa.
Pahayag ito ng ahensiya matapos sabihin ni Presidential Spokesperson Harry Roque ang posibilidad ng pagbubukas ng Pilipinas sa international tourists sa kasabay ng pagbaba sa Alert Level 2 ng Metro Manila.
“Should the Inter-Agency Task Force for the Management of Emerging Infectious Diseases (IATF-MEID) and the Office of the President see that the country is ready, we will be happy to welcome again foreign tourists to our shores,” ayon kay BI Commissioner Jaime Morente.
Aniya, “Our frontline officers at the airports are ready and prepared, and we assure the traveling public of uninterrupted service should they decide to travel to the Philippines.”
Bumuo na ang ahensiya ng response plan upang maresolba ang pangangailangan sa manpower sakaling bumalik na sa normal ang international travel.
Ayon naman kay Atty. Carlos Capulong, pinuno ng BI Acting Port Operations, itinutulak ng bagong rapid response mechanism ang mobilization ng BI personnel na nakatalaga sa iba pang operating units para sa pagsasagawa ng inspeksyon, at supervisory duties tuwing maraming pasahero.
Hinihintay na rin ang appointments mula sa Department of Justice (DOJ) para sa 195 na bagong immigration officers na maitatalaga sa loob at labas ng Metro Manila.
Nasa 72 porsiyento ang pagbagsak ng international arrivals sa unang tatlong kwarter ng 2021 kumpara sa kaparehong petsa noong 2020 sa pagsisimula ng COVID-19 pandemic. F MORALLOS
Related posts:
LALABAG SA HEALTH PROTOCOL SA BI PARURUSAHAN
3M CHINESE NAKAPASOK SA ‘PINAS
2 DAYUHANG GUMAMIT NG TAMPERED PASSPORT KULONG SA BI
BAGONG ARRIVAL AT DEPARTURE CARDS IPAMIMIGAY NG BI
59 BI OFFICIALS SA NAIA YUGYOG SA RESHUFFLE
100 BAGONG IOs IKAKALAT SA NAIA
AUSTRALIAN PROF HINARANG NG BI
BAGONG SATELLITE OFFICE NG BI BINUKSAN