BINUKSAN na ang pinakamalaking quarantine facility sa Bagong Nayong Pilipino, Paranaque City na may kapasidad na tumanggap ng hanggang 525 na pasyente ay nagpapatunay na may pagkakaisa ang gobyerno at pribadong sektor sa pagtugon laban sa COVID-19.
Ayon kay Paranaque City Mayor Edwin Olivarez, ang pagbubukas ng Solaire-Philippine Amusement and Gaming Corporation Mega Quarantine Center ay pinondohan ng Razon Group, national government at pribadong sector na nagsama-sama kontra COVID-19.
Ayon kay Olivarez, ang nasabing quarantine facility ay magdudulot ng masigasig na pagsisikap ng seryosong pagtugon sa pandemya na kung saan ang kalusugan at kapakanan ng taumbayan ang unang-una sa lahat na nararapat pag-uukulan ng pansin.
Kinilala naman ni Public Works and Highways (DPWH) Secretary Mark Villar ang kontribusyon ng Razon Group sa pagtugon ng gobyerno laban sa COVID-19.
Idinagdag pa ni Olivarez na ang bagong bukas na quarantine center ang hihimok sa mga pasyenteng mayroong banayad hanggang sa asymptomatic na kaso sa Metro Manila at sa mga karatig na lalawigan na magpa-isolate ng kanilang mga sarili sa labas ng kanilang mga bahay. MARIVIC FERNANDEZ
Related posts:
QUARANTINE AT TREATMENT FACILITY SA MARIKINA BUKAS NA
COVID-19 CASES SA PQUE PABABA NA
KASO NG COVID-19 SA LAS PIÑAS 91 NA LANG
BUMABA NA SA 33 COVID-19 CASES SA SAN JUAN CITY
COVID-19 VACCINATION SA 2021 PA SISIMULAN
106 BRGYS SA CALOOCAN COVID 19- FREE NA
90.2% NA ANG GUMALING SA COVID-19
P31 M MOLECULAR LAB SA PQUE BUBUKSAN NA
Comments are closed.