INIHAYAG ni Department of the Interior and Local Government (DILG) Secretary Benhur Abalos ang pagkakaaresto ng isang big-time child trafficker na nambiktima ng daan-daang batang Pilipino.
Ayon sa kalihim, naaresto kamakailan ang suspek na kinilalang si Teddy Jay Mojeca Mejia sa United Arab Emirates (UAE).
Sangkot ito sa pagbebenta ng child sexual abuse at exploitation materials kung saan lumalabas na nasa 111 kabuuang bilang na ang kanyang nabiktima.
Nabatid na umalis si Mejia patungong Dubai noong 2021 at mula noon ay hindi pa bumabalik ng Pilipinas.
Sa pakikipag-ugnayan naman sa pamahalaan ng naturang bansa, ang child trafficker ay ibabalik na sa Pilipinas.
At dumating na sa bansa kahapon si Mejia matapos maiturnover sa mga awtoridad ng Pilipinas.
Iniharap si Mejia nina Abalos at PNP chief General Rommel Francisco Marbil sa media sa NAIA Terminal 3.
Itinuturing ng kalihim ang pagkakaaresto kay Mejia na isang malaking hakbang sa laban ng gobyerno kontra human trafficking.
“Para sa mga walang-pusong nang-aabuso ng menor de edad na kabataan, malinaw ang mensahe: wala kayong ligtas na taguan; kahit saan man kayo pumunta tiyak na haharap kayo sa batas upang manaig ang hustisya,” ani Sec. Abalos.
EVELYN GARCIA
Related posts:
PAGPATAY SA VICE MAYOR NG MAGUINDANAO KINONDENA NG DILG
(Sanib-puwersa ng PNP-DILG-DFA at USA) P520-M TRAINING CENTER VS TERRORISM ITATAYO
(Paalala ng DILG sa PNP at AFP) PAGSASAPUBLIKO NG LARAWAN INGATAN
(Source ng substandard materials hahantingin ng PNP) MGA GUSALI PINASUSURI NG DILG VS THE BIG ONE
PNP, DILG AT DSWD NAG-SEMINAR PARA SA 2ND TRANCHE NG SAP
(250K quarantine pass binawi ni Mayor Labella) AFP AT PNP MAGDE-DEPLOY NG PUWERSA SA CEBU CITY –DILG
(Kampanya vs colorum paiigtingin) 30% NG PUVs WALANG PRANGKISA
(Dulot ng tumitinding heat index) LIGHT UNIFORM PARA SA PNP, BJMP, BFP PERSONNEL APRUB SA DILG