QUIRINO- LAGLAG sa anti-narcotics operation ng mga tauhan ng Philippine Drug Enforcement Agency (PDEA) ang isang itinuturing na bigtime marijuana pusher sa Barangay Andres Bonifacio, Diffun.
Ayon kay Director III Levi S Ortiz ng PDEA Regional Office 2 nahuli ng kanyang mga tauhan sa inilatag na buy bust operation ang tulak na si Ryan Cabrina Butchayo, Jr.
Batay sa report ni Dir. Ortiz kay Director General Amoro Virgilio Lazo nakumpiska ng kanilang mga operatiba mula kay Butchayo Jr ang isan bote na naglalaman ng pinaghihinalaang cannabis oil na tinatayang may market value na P3,000.
Dalawang piraso ng self sealing plastic sachet na naglalaman ng mga tuyong dahon ng Marijuana, dalawang (2) pack na tuyong dahon ng Marijuana na nakabalot ng brown na papel, isang (1) pack na dahon ng Marijuana na nakabalot ng puting papel at apat (4) na brick na naglalaman ng mga tuyong dahon ng Marijuana na tumitimbang na anim na kilo na may tinatayang market value na P720,000.
Nakuha rin sa posesyon ng suspek ang cellphone at buy bust money. VERLIN RUIZ