CAVITE – KAMATAYAN ang sinapit ng magpinsang magkaangas sa motorsiklo makaraang sumemplang sa bahagi ng Lumil-Pooc Road sa Brgy. Pooc 1, bayan ng Silang sa lalawigang ito kahapon ng madaling araw.
Dead-on-the spot ang biktimang si Gladier Alcaraz, 17-anyos habang namatay naman sa pagamutan ang pinsan nitong si Mark Jerald Alcaraz Asinas, 23-anyos na kapwa nakatira sa nasabing bayan.
Sa inisyal na police report na naisumite sa Camp Pantaleon Garcia sa Imus City, pauwi na ang magpinsang magkaangkas sa motorsiklo mula sa dinaluhang birthday party nang biglang sumemplang ang kanilang sasakyan.
Kabilang sa sinisilip ng imbestigador ng pulisya kaugnay sa naganap na road crash ay sinasabing lasing ang dalawa biktima kaya nawala sa katinuan ang pagmamaneho ng motorsiklo. MHAR BASCO