(Biktima ng trafficking) 7 PINOY SA SYRIA BALIK-PINAS

PITONG  Pinoy sa Syria na biktima ng trafficking ang nakauwi na, ayon sa Department of Foreign Affairs (DFA).

Dumating ang mga ito nitong Sabado sa Ninoy Aquino International Airport (NAIA).

Ang naturang mga Pinoy ay inilikas ng Philippine Embassy sa Damascus dahil sa hindi nila magandang kondisyon sa trabaho at sa pang-aabuso  ng kanilang mga amo.

Agad namang nakipagtulungan ang DFA sa kanilang mga employer at recruitment agency, pati na rin sa mga opisyal ng gobyerno ng Syrian Arab Republic, para sa mabilis at naaangkop na pagbibigay ng mga exit visa.

“The repatriation of these seven trafficking survivors from Syria reflects the DFA’s continuing commitment towards protecting and assisting each and every one of our distressed Kababayans who are in need of help and assistance,” ayon kay Foreign Affairs Undersecretary Sarah Lou Y. Arriola.

Sinabi ng DFA na ang mga umuwi ay makatatanggap  ng tulong ng gobyerno sa pagsampa ng mga kaso laban sa kanilang mga amo.

Sinalubong ng DFA’s Office of the Undersecretary for Migrant Workers’ Affairs, Overseas Workers Welfare Administration, Department of Social Welfare and Development, Inter-Agency Council Against Trafficking, Bureau of Immigration at Philippine Coast Guard ang mga Pinoy na dumating at binigyan ng kaalaman tungkol sa CO­VID-19 health protocols. LIEZELLE SORIANO

Related posts:

(Target ng PH sa paglulunsad ng national Halal strategy) P230-BILLION INVESTMENTS, 120K TRABAHO (Alert Level 4 itinaas sa Gaza) MANDATORY REPATRIATION SA MGA PINOY MGA PINOY NA MALAPIT SA SOUTHERN BORDER NG LEBANON PINALILIKAS NA 1ST BATCH NG PINOY REPATRIATES MULA ISRAEL NAKAUWI NA ISA PANG PINOY NASAWI SA ISRAEL-HAMAS WAR 18 PANG PINOY REPATRIATES MULA ISRAEL DUMATING NA MGA PINOY SA LEBANON PINAUUWI NA 25 PANG OFWs MULA SA ISRAEL BALIK-PINAS