BILANG NG MGA PULIS NA NAGKAKA-COVID NADAGDAGAN

PATULOY  na nadaragdagan ang bilang ng mga pulis na  tinamaan ng COVID-19.

Batay sa datos ng PNP Health Service, umakyat na sa 9,036 ang kumpirmadong tinamaan ng COVID-19 na mga pulis matapos na madagdagan ng 22 na bagong kaso.

Walong pulis ang mula sa National Operations Support Unit, apat mula sa Eastern Visayas, habang tig – dalawa naman ang naitala sa National Administrative Support Unit, NCRPO, Davao Region, Cordillera at Bangsamoro Autonomous Region.

Nasa  352 naman ang aktibong kaso ng virus sa hanay ng PNP o iyong nagpapagaling pa sa sakit habang 31 bagong gumaling sa sakit kaya’t umakyat na sa 8,657 ang kabuuang bilang ng kanilang recoveries.

Nananatili sa 27 ang bilang ng mga nasawi.