(Bilyon-bilyong buwis inaasahang makokolekta) 100 BAGONG MINING PROJECTS

KASUNOD ng pagbawi ni Pangulong Rodrigo Duterte sa 9-taong ban sa pagmimina, target ngayon ng pamahalaan na buksan ang 100 bagong mining projects upang madagdagan ang kita ng pamahalaan, ayon sa Department of Environment and Natural Resources (DENR).Sa Laging Handa press briefing, inihayag ni DENR Undersecretary Jonas Leones na sakaling magkaroon ulit ng mining projects sa bansa ay inaasahan na makakakolekta ng P20 billion revenue para sa excise taxes at annual royalties na P1 billion mula sa mga bagong mining project.

“This (moratorium) had been there for nine years. We saw that we can check the mining sector so that we can undertake economic recovery,” sabi pa ni Leones sa press briefing.

Aniya, ang kita na makakamit ay gagamiting pampondo sa pagtugon ng pamahalaan sa coronavirus disease pandemic, kasama na ang pang-ayuda sa mama-mayang Filipino.

Dagdag pa niya, ang pipeline projects  para sa minahan ay ipatutupad sa dalawang bahagi, ang una ay nagtataglay ng 35 projects at ang ikalawa ay 65 projects.

Kasama sa proyekto ang $700-million Silangan mining project sa Surigao del Norte.

“We are now in the process of evaluating those in the pipeline,” ayon kay Leones. EVELYN QUIROZ

Related posts:

INIUTOS NG DENR: MINING TIGIL MUNA PANIG AT TUTOL SA DAGDAG BUWIS SA TOBACCO SUMUGOD SA SENADO P22-B PA NA BUWIS MAKOKOLEKTA SA FOREIGN WORKERS TAON-TAON PAGBUBUWIS BATAY SA GIE, IBINASURA NG KAMARA PAGPAPASARA SA MINING OPERATIONS IGINIIT, IMBESTIGASYONG GAGAWIN NG KAMARA MINALIIT MASSIVE FLOODING SA CAGAYAN AT ISABELA ISINISI SA BLACK SAND MINING (Gov. Albano binatikos ng ATM) ILLEGAL LOGGING AT MINING TALAMAK PA RIN SA ISABELA