(Binabantayan ng DA, DENR) ASF SA WILD BOARS

PATULOY ang pagtutulungan ng Department of Agriculture (DA) at Department of Environment and Natural Resources (DENR) para mapigilan ang pagkalat ng African swine fever (ASF) sa wild boars sa mga lalawigan ng Abra at Apayao.

“We are closely coordinating with DENR (Department of Environment and Natural Resources) who has already issued an advisory to hunters who hunt wild boars not to bring home meat,” wika ni Cameron Odsey, director ng Department of Agriculture (DA) – Cordillera region.

Sinabi ni Odsey na unang nakitaan ng palatandaan ng ASF ang mga baboy damo noong Pebrero ngunit tinawag lamang ang atensiyon ng DA noong Marso.

Aniya, agad na nagsagawa ang  DA ng laboratory test sa isang baboy damo sa Abra, na nakikihati ng border sa Ilocos at Apayao, at natuklasang positibo sa ASF.

Ayon kay Odsey, ang  Abra at Apayao ay kapwa  ASF-free hanggang matuklasan noong Marso na infected ang kanilang mga baboy damo.

Magmula noon, ang  DA at DENR ay nagtulungan na, aniya, para mapigilan ang pagkalat pa ng virus sa domesticated pigs, at idinagdag na humingi sila ng tulong sa DENR dahil ang wild animals ay nasa hurisdiksiyon nito.

Nanawagan siya sa publiko na huwag manghuli ng at magdala ng boars at iba pang wild animals upang hindi nila maiuwi ang ASF-infected animals.

“We don’t know if they are bringing home meat from an ASF-infected boar, so it is better not to bring home (the meat) so that it will not further spread among the pigs being raised in the community,” ani Odsey.

Related posts:

INAMIN NG DA: ASF ‘DI PA KONTROLADO (Ikinasa ng DA) P29.6-B BANTAY ASF, HOG REPOPULATION (Filipinas nakikipag-ugnayan na sa US DA) BAKUNA VS ASF IKINAKASA (Pangako ng DA) PROBLEMA SA ASF TAPOS NGAYONG TAON (Binabantayan ng DA, DENR) P3-M MISDECLARED ONIONS MULA CHINA NASABAT (Displaced hog raisers aayudahan ng DA) 6 NA BAYAN SA BATANGAS ASF-FREE NA (Ipinamahagi ng DA) AYUDA SA ASF-AFFECTED HOG RAISERS (P1.697-B na ang naipalabas ng DA) BAYAD-PINSALA SA ASF-HIT HOG RAISERS