RIZAL- ARESTADO ang isang 20 anyos na binata makaraang magsagawa ng buy bust operation ang mga operatiba sa lalawigang ito.
Kinilala ang suspek na si Angelo Sarmiento y Barquilla alyas Angelu na residente ng Dilang 1, Nagpayong, Pinagbuhatan sa lungsod ng Pasig.
Nabatid na dakong alas-7:30 kamakalawa ng gabi nang madakip ang suspek ng mga Intelligence Unit (PIU) at Provincial drug enforcement unit (PDEU) na pinamunuan ni Maj Joel Custodio ang nasabing buy bust operation sa tulong ng PDEA 4A sa Kaytikling Brgy. Dolores, Taytay, Rizal.
Naganap ang nasabing pag aresto sa suspek makaraang makatanggap ng tawag mula sa isang concerned citizen hinggil sa pagbebenta ng shabu ni alyas” Angelu” sa Kaytikling Brgy. Dolores.
Agad nagsagawa ng surveillance ang mga operatiba kung saan nagpanggap na buyer ang isang pulis at nang iabot na ang shabu doon nila inaaresto si alyas “Angelu”.
Nakumpiska sa nasabing buy bust ang 8 pirasong heat-sealed transparent plastic sachets na naglalaman ng shabu na may timbang na 25 gramo at may street value na P170,000.00 at 500.00 cash na ginamit na buy bust money.
Kasalukuyang nakapiit sa Detention Cell ng Pasig PNP ang suspek habang inihahanda ang kaukulang kaso laban dito. ELMA MORALES