BINONDO-INTRAMUROS BRIDGE BUBUKSAN SA FIRST QUARTER NG 2022

BUBUKSAN sa publiko sa first quarter ng taon 2022 ang P3.39 bilyong Binondo- Intramuros Bridge, ayon sa pahayag ng pamunuan ng Department of Public Works and Highways (DPWH).

Sinabi ni Undersecretary Emil Sadain, may hawak ng Unified Project Management Office (UPMO) na siyang nangangasiwa sa proyektong ito, nasa 77 percent na ng tulay ang nagawa ng kontratista.

Sa kasalukuyan, nakatuon ang contractor sa paglilipat o relocation ng mga poste at overhead high tension lines na nakasasagabal sa konstruksiyon ng rampa sa may Estero De Binondo papuntang Muelle de Binondo at Plaza del Conde at Rentas Street.

Batay sa report, ang power lines,at iba pang utilities sa kahabaan ng Estero de Binondo at ang North approach ng tulay ang isa sa pinakamahirap na gagawin ng kontraktor, maging ang 680 lineal meter basket-handle tied steel na magkokonekta sa Intramuros at Solana St. sa may river side drive ng

Binondo at San Fernando bridge.
Ang proyektong ito ay bahagi ng China grant sa Pilipinas, at sa halip na local kontraktor ang dapat gumawa, ang Road and Bridge Corporation ng China ang nakakuha sa kontrata. FROI MORALLOS