BUMUO ang Department of Migrant Workers (DMW) ng isang task force laban sa investment scams.
Ayon kay DMW officer-in-charge Undersecretary Hans Leo Cacdac, ang pagbuo sa task force ay alinsunod sa suhestiyon ni Senador Raffy Tulfo, chairman ng Senate migrant workers committee, para protektahan ang overseas Filipino workers.
“Una, para magbigay ng impormasyon sa mga workers kung paano sila makakaiwas sa investment scams.
Pangalawa, kung nabiktima na sila, saan sila tatakbo,” ani Cacdac.
Aniya, ikinakasa nila ang partnership sa Securities and Exchange Commission (SEC) at sa Department of Justice (DOJ) upang mapaigting ang pagsisikap sa pagtugon sa investment scams.
Ang DMW ay nakatakdang lumagda sa isang memorandum of agreement sa SEC sa Oct. 11.
Pinayuhan din ng ahensiya ang publiko na maghain ng reklamo sa investment scams sa pamamagitan ng kanilang shared hotline 1348.
Related posts:
(Pinalilinaw sa DMW) KUWAIT VISA BAN SA MGA PINOY
(Pinag-aaralan ng gobyerno) PAGBAWI SA DEPLOYMENT BAN SA KUWAIT
(Ayon sa grupo ng recruitment agencies) KUWAIT UNANG LUMABAG SA KASUNDUAN
(Ayon sa DOJ) P50-B NAWALA SA GOV’T SA ‘FAKE RECEIPT’ SCAM
(Ikinakasa ng DMW) AYUDA SA OFWs NAAPEKTADO NG VISA BAN SA KUWAIT
1M PINOY WORKERS TARGET NG SAUDI
PINOY WORKERS PA KAILANGAN SA UAE, OMAN
(Ikinasa ng DMW) ONE-STRIKE POLICY VS RECRUITMENT AGENCIES