BIRUAN NG MGA SUPPORTER NG MAGKALABANG KANDIDATO NAUWI SA BAKBAKAN

LANAO DEL NORTE – NAUWI sa bakbakan ang simpleng biruan ng political supporters ng magaganap sanang rally sa harap ng munisipyo ng Salvador.

Ibinahagi ng kata­bing alkalde ng Bacolod ang kanyang nakuhang impormasyon na apat na supporters aniya ng mayoralty can-didates na sina Bebot Umpa at Farhanie Tawan-tawan ang lubhang sugatan.

Samantala, aabot sa mahigit 12 ang nagtamo ng minor injuries nang mauwi sa riot ang batuhan ng mga maaanghang na batikos nang magkatagpo ang dalawang rival party.

Ayon kay Lanao del Norte, Bacolod Mayor Jonathan Miquiabas, inilagay ng Lanao del Sur Provincial Police Office sa height-ened alert ang buong pro­binsya dahil sa nagaganap na intense political rivalry sa ilalim ng kanilang area of responsibility.

Una rito, inaalam pa ng pulisya kung ba­kit may kasamang mga armadong kalalakihan ang mga supporter ng dalawang mayoral-ty candidates. PILIPINO Mirror Reportorial Team