MAINIT na sinimulan ng Meralco ang kanilang kampanya para sa back-to-back 3×3 titles makaraang kumubra ng tatlong panalo sa opening day ng PBA 3×3 Second Conference Leg 5 nitong Sabado sa Araneta Coliseum.
Dinispatsa ng Bolts, kampeon sa Leg 4 kontra Limitless Appmasters noong nakaraang March 20, ang Platinum Karaoke (21-19), Cavitex Braves (18-16), at NorthPort Batang Pier (21-13) para sa malinis na 3-0 kartada sa Pool A.
May laro pa ang Meralco kontra Pioneer Pro Tibay ngayong Linggo ngunit pasok na ito sa quarterfinals .
Sa Pool B ay winalis ng Appmasters ang dalawang laro laban sa Sista Super Sealers (21-12) at Master Sardines Fishing Champs (21-15) para sa 2-0 kartada sa kanilang grupo.
Nangunguna naman ang Purefoods TJ Titans sa lPool C na may 2-0 marka kasunod ng mga panalo laban sa San Miguel Beermen (21-16) at TNT Tropang Giga (21-15).
Related posts:
PBA 3X3: TITANS, BOLTS, DYIP SA Q’FINALS
TOP 10 FINISH NAKATAYA SA PBA 3X3 LEG 6
PBA 3X3 LEG 4: LIMITLESS APP AYAW PAAWAT
PBA 3X3 LEG 5 CROWN SA LIMITLESS APP
PBA 3X3: BOLTS, TRIPLE GIGA, BEERMEN SA LEG 4 Q’FINALS
BOLTS, TEXTERS SOSOSYO SA LIDERATO
BAWAL MATALO ANG BOLTS (Quarterfinals target ng Fuel Masters)
‘DO OR DIE’ SA BOLTS